NATIONAL–Nanawagan hin dagmit nga subsidiya an Kilusang Magbubukid ng Pilipinas (KMP) mahuman han bag-o nga pagdugang ha presyo ha produkto petrolyo nga ginkokonekta ha komosyon ha Middle East.
Sumala ha KMP, nagpatuman an mga oil firms hin dugang kada litro han gasoline, diesel, ngan kerosene. Ine an ika-10 nga pag-hitaas ha diesel ngan kerosene ngan ika-8 ha gasoline yana nga tuig.
Ginmalatumat gihapon ga lumahos na ha $80 per barrel an global crude prices ngan posible nga umabot ha $100 kun dumuroy an komosyon ngan madelatar an awas han lana ha Strait of Hormuz, kun diin naagi an dako nga parte han suplay han lana ha kalibutan.
Sumala kan Danilo Ramos, chairperson han KMP, kada piso nga dugang ha diesel in iban ha habubo na nga salapi han mga parag-uma nga pwede nga maduso ha ira ha mas hilarom nga pagkakautang.
Dugang pa hine, apektado an mga trabahador, parupangisda, sektor ha transportasyon, ngan mga konsumidor.
Mahitungod hine, ginduon han grupo an dagmit nga pagpapatuman hin fuel subsidies ngan suporta ha farm inputs sugad han fertilizer ngan pesticides agud nga ibanan an nagtitikahitaas nga gasto ha produksyon.
