TACLOBAN CITY – Naaraba an pira nga mga negosyante han syudad partikular na ha himangrawaon nga damo an ginpapatuman nga mga holidays ha bug-os nga nasod.
Sumala kan Eugene Tan, Presidente han Philippine Chamber of Commerce an Industry Tacloban & Leyte Chapter, nga nakukurian hira matungod nga gutiay la an ira nakukuha nga income kun nagkakamayda hin holiday ngan kinahanglan pa nira nga maghatag hin double pay ha ira mga empleyado nga masulod ha mao nga adlaw.
Dugang pa hine nga an ginbubuhat nala han iba nga mga establisyemento agud nga dire an mga ine makaghatag hin double pay, in dire nala an mga ine nag-abre o namamagsara nala ha mao nga adlaw han holiday.
An makuri la hine matungod nga dire paparehos an establisyemento may iba nga nalalangan an delivery matungod nga kasagaran nga natutuman ine ha adlaw han holiday.
Gintagan naman hine hin duon han mao nga opisyal nga dire hira nabalabag o nariwa ha mga holiday nga ginpapatuman pero kinahanglan la nga panginanuon ngan dire sukot-sukoton an mga holiday matungod nga naiigo an sektor han panegosyohan nga pantag.
