NATIONAL – Nadara ha mga treatment facility an haros ngatanan han mga lana nga nasuyop tikang ha lumunod nga MT Terra Nova.
Subay ha datos han Philippine Coast Guard, maaboot na ha 1,218,000 ka-litro han narekober nga lana an nadara ha treatment facility ha Marilao, Bulacan.
Ine in tikang ha kabug-usan nga 1,254,889 ka-litro han lana nga nasuyop tikang ha lumunod nga tanker.
Samtang, waray lagihapon kahidayon an siphoning operasyon ha nasasalin nga lana nga nabibilin ha tanker kun diin syahan ine nga gin undang dida han Setyembre 2 mahitungod nga nagtikang nga kumusog an epekto han naglabay nga bagyong Enteng.
Ha presente in kulang nga 200,000 ka-litro nala han lana an nasasalin tikang ha ginbabana-ban nga 1.4 million liter nga karga han tanker.
