-- Advertisements --
TACLOBAN CITY — Nagpahimatngon an mga kapulisan ha mga kag-anak nga deri pasagdan nga mangarigo ha kadagatan labi na kun nag-uusahan ngan waray bantay an tagsa mga anak agud malikyan an maraot nga panhitabo sugad hiton pagkalumos.
Sumala kan PLt. Manuel Tadeo, Chief of Police han Bobon Municipal Station, deri dapat magpakampante an mga kag-anak labi na ha ira mga menor de-edad pa nga mga anak nga pumakadto ha bisan diin nga pangarigoan nga waray bantay.
Deri na dapat matabo utro an insidente han pagkalumos han upat nga mga kabataan dida han nakalabay nga adlaw ha Bobon, Northern Samar.
Kun deri naman daw mahimo han pagkarigo han tagsa mga anak in kinahanglan nga mayda upod an mga ini ha pagkarigo agud maging talwas ngan mahirayo ha disgrasya.
