TACLOBAN CITY- Nasunog an mga establisyemento ha bungto hiton Dagami, Leyte.
Sumala kan SFO1 Rommel Dominico, Fire Investigator han Dagami Fire Station, nasunog an maabot ha upat nga mga establisyemento han bakery bakeshop, meat shop, grocery store ngan Aggrevit ha Dagami, Leyte.
Basar han inisyal nga imbestigasyun, nagtikang ha usa nga bakery bakeshop an sunog kun diin naalakdapan hine an mga kahirani nga mga establisyemento.
Nagtikang na nasabi nga sunod dida han alas-11 han aga ngan gin deklara naman ine nga fire-out dida han mga alas-11:45 han aga la gihapon.
Subay han mao nga opisyal, an nagin hinungdan han mao nga sunog in tikang ha usa nga bag-o nga deliver nga tangke nga nagkamay-ada hin leak ngan waray na ine ka-parong dayun rason para magsarang ine ha iba pa nga mga establisyemento.
Maabot naman ha P1,300,000 an naging danyos an pang kabug-usang nga nasunog.
Waray naman nagin casualties o nasamaran han mao nga panhitabo.
Nahibaruan gihapon nga ikaduha na ine ka-beses nga sunog nga natabo ha mao nga bugto.
Nagpahimatngun naman an mao nga opisyal nga mag-ikmat yana labi na nga tika-arabot iton kapaskuhan ngan siguraduhon an gagamitun nga mga christmas lights ug sugad man han tagsa-tagsa nga gamit ha panimalay.
