-- Advertisements --
TACLOBAN CITY – Nagka-abot na an mga delegado han Sinirangan Bisayas para han Palarong Pambansa 2024 ha Cebu City ngan National Schools Press Conference (NSPC) 2024 naman ha Carcar City, Cebu.
Sumala kan Dr. Nilo Eder, Information Officer hiton DepEd Tacloban City Division, an nasabi nga mga national activities in pagbubuhaton yana ha Cebu kun diin amu an host para han Palarong Pambansa 2024 ngan NSPC 2024.
Para han Tacloban City Division, ada ha 27 nga mga istudyante tikang ha elementarya ngada ha sekondarya an nadara ngan kwalipikado para han NSPC.
Mag iiha naman an nasabi nga event hin usa kasemana an NSPC 2024, tinikangan hiton Hulyo 8 kutob Hulyo 12, samtang an Palarong Pambansa 2024 naman in tikang hiton Hulyo 9 kuton naman Hulyo 16.
