TACLOBAN CITY – Nakarawat han mga Agrarian Reform Beneficiaries (ARBs) ha gindumara nga distribusyon kakulop nga adlaw ha Tacloban City Convention Center (Astrodome) an ira mga titulo, Certificates of Condonation with Release of Mortgage (CoCRoM), ngan suporta ha pag-uma.
Sumala kan Department of Agrarian Reform Regional Office VIII Information Officer, Jose Alsmith Soria, malipayon an mga benepisyaryo ha ira mga nakarawat labi na adton mga nagpakakarawat hin condonation mahitungod nga napara an ira mga salin pa nga utang kalakip na an interes.
Ada ha kabug-usan nga 13,067 nga ARBs an nakakarawat han ira e-Titles ha ilarom han Project SPLIT ngan 11,917 naman nga benepisyaryo an nakakarawat han CoCRoMs.
Ha lain nga bahin, ada ha P184 milyon nga kantidad hin farm-to-market road an ginturn-over ha Palo ngan San Miguel, Leyte, Calbayog City ngan Tarangnan ha Samar, ngan Oras, Eastern Samar.
Samtang, ada ha P10 milyon naman nga kantidad hin irrigation facility an nakarawat han mga benepisyaryo tikang ha Mabagdok Communal Irrigation System (CIS) nga magpapakusog ha produksyon han pagkaon ha lugar.
