TACLOBAN CITY- Dakop han mga kapulisan an usa nga mekaniko nga
nagbabaligyga hin shabu ha Leyte.
Sumala kan Rogelette Urgel, Information Officer han Philippine Drug
Enforcement Agency (PDEA) Regional Office 8, nga pinaagi ha buy-bust
operation, naaresto an suspek nga hi Warren Lim y Cahigos, 35 anyos an
pangidaron, ulitawo ngan residente han Poblacion, Zone 19, Baybay City.
Nakuha tikang ha poder han suspek an 14 kabug-os nga heat-sealed plastic transparent sachet nga may sulod han guintutuuhan shabu ngan guinbanabana nga nagkantidad hin 75 mil pesos ngan pira nga drug paraphernalia.
Naatubang ha kaangayan nga kaso an suspek mahuman nga matalapas an RA 9165 o may kalabutan ha illegal drug activities.
Ha pagkayana, nagpapabili pa an suspek PDEA Regional Office Detention Facility samtang nga guinhuhulat an commitment order.
