TACLOBAN CITY — Nangaro na hin bulig an alkalde han siyudad han Tacloban nga hi Mayor Christima Romualdez kan Presidente Rodrigo Duterte agud maibalik ha City Government an kontrol han Leyte Metropolitan Water District (LMWD).
Ha surat nga iginpadara han alkalde kan presidente, iginpahayag hini nga kinahanglan nga maibalik na an full control han LMWD ha City Government han Tacloban.
Pinaagi daw hini in masosolusyunan na an problema ha kakulangan han tubig ha Tacloban partikular na ha Norte nga mga barangay ngan sugad man ha iba pa nga parte han Leyte.
Gintagan naman hin du-on ni Romualdez nga may kamanduan an korte suprema nga an otoridad ngan kontrol han management han mga water agencies ha nasud in kinahanglan nga ada ha mga highly urbanized city sugad han Tacloban.
Pero ha luyo daw hini nga kamanduan in diri la gihapon iginhahatag han provincial government han Leyte an appointing powers han LMWD.
Ha pagkayana, an probinsiyal nga gobyerno la gihap han Leyte, pinaagi han gobernador an nag a-appoint han tanan nga mga board of directors han LMWD.
