NATIONAL – Utro nga gintagan-duon han Malakanyang nga waray halo nga pulituika ha paglulunsar han P20/kilo rice program han gobyerno.
Baton ine han Palasyon mahumna nga kwestyunon ni Vice President Sara Duterte an kabahin ha timing han proyekto pira kasemana ugsa an midterm elections.
Ginmalatumat ni Palace Press Officer Claire Castro, nga an paghatag hin subsidiya para ha barato nga bugas in dire naka-base ha piniliay, kundi ha panginahanglan han mga molupyo, partikular na han mga ada ha ‘laylayan’ han kumunidad.
Dugang pa hine, waray timing ha paghahatag hin bulig.
Igin eksplikar gihapon ni Castro kun kay anu waray maipatuman an programa mahuman an nagin campaign promise han Presidente hadton 2022 Presidential election, mahitungod nga kinahanglan hin sakto nga pag-aram ngan koordinasyon ha butnga han nationa government ngan mga lokal nga pangobyernuhan.
Samtang, ginsiguro naman han Palasyo nga mag-iiha an progrsama kuton ha Disyembre han presente nga tuig, samtang ha masunod nga tuig naman in plano na nga ig upod an programa ha national budget agud masigurado nga magpapadayon an programa ha 2026.
Ginmalatumat naman han Department of Agriculture nga titikangan na pagbalogya han P20 nga kada kilo han bugas ha Mayo 1, samtang ha Mayo 2 naman ha KADIWA center ha Bureau of Animal Industry ha Quezon city.
