TACLOBAN CITY — Patay an duwa nga mag asawa mahuman nga paninigbason ngan han ira amyaw ha Mayorga Leyte.
Ginkilala an mga biktima nga hira Josephine Salas ngan Alfredo Vicente.
Samtang an suspek naman in nakilala kan Douglas Cabra, ada ha igo nga pangidaron.
Sumala kan PSInsp Edgardo De Asis, hepe han Mayorga PNP, nga sano an mao nga panhitabo in humuram an suspek hin motor nga gintatag iyahan han mag asawa ngan han ig uli na inin in naobserbaran han mga biktima nga kulang na hin mga spare parts ngan battery an ira motor.
Dugang pa hini nga ginpatawag han mga biktima an suspek ha barangay agud nga tuhayon an mao nga panhitabo pero ini in waray magpakita lugod in naghulga nga papatayon an mag asawa.
Natabo an mao nga pagpatay didto mismo han butnga han kahagna-an diin humagos anay hin usa kagabi san-o nga masabutan nga patay na an mag asawa ngan puno an lawas hin samad.
Padayon an paghalpat han mga kapulisan ha suspek nga dayon nga naeskapo mahuman an mao nga insidente.
