TACLOBAN CITY – Mag-aalutaga an bungto han San Miguel Leyte hin maabot ππ‘π© πππ, πππ,πππ.ππ, nga pondo para ha infrastructure projects for implementation han mao nga LGU’s.
Sumala kan Atty. Norman Sabdao, Mayor han San Miguel Leyte, nga an mao nga pondo in resulta han mahugot nga pakikipag-sumpayan niya kan House Speaker, Cong. Ferdinand Martin Romualdez, ngan sugad man han Tingog Partylist.
Manunumduman, nga personal nga ginbisita han mao nga alkade an opisina ni House Speaker Romualdez han nakalabay nga bulan, agud nga iglatag an mga plano han LGU’s nga igkakaribhong han mao nga bungto.
An mao nga pondo in babatag-batagon naman ha magkalai-lain nga programa han bungto, kun diin makakatagam-tam an ngatanan nga residente han nasabi nga lugar partikular na an mga parag-uma, ngan mga paghingayad han pira pa nga mga proposed projects han alkalde yana nga tuig han iya termino.
Babatag-batagon naman an nasabi pondo ha mga masunod nga proyekto:
- Farm-to-Market Road = Php 102.5 Million
- Multi- Purpose Building = Php 84.8 Million
- Shoreline Protection/Flood Control = Php 150 Million
- Permanent Bridge- Widening = Php 81.90 Million
- 4-lanes Road Widening = Php 50 Million
Nagpapasalamat naman an mao nga alkalde ha mga nagpapaluyo han nasabi nga pondo agud nga magkamayda hin panibag-o nga mga imprastraktura an San Miguel Leyte.
