TACLOBAN CITY – Maabot ha P1 milyon nga penalidad an posible kaatubangon han bisan hin-o nga driver o operator nga magbibiyahe gamit an kolurom o unconsolidated nga pampasaheros nga sarakyan.
Sumala kan Veronica Reposar, Transportation Development Officer ll hiton Land Transportation Franchising and Regulatory Board Regional Office Vlll, igin didire na an pagbiyahe han mga waray pakabulig han konsolidasyon han mga pampasaheros nga sarakyan dida pala han syahan nga adlaw han Mayo.
Ada ha P50,000 an magigin multa han PUV nga mabiyahe nga dire consolidated, an UVE, ada ha P200,000, ngan an bus naman in ada ha P1M.
Waray pa naman daw hira magtikang ha panakop han mga kolurum nga pampasaheros nga sarakyan pero ha masunod nga semana in posible na daw hira nga magtikang hine.
