TACLOBAN CITY – Ginklaro han Land Transportation Office LTO Regional Office 8, an may paghisumpay ha nagsasarang nga himangrawon nga daw gintangal na han ira buhatan an pagkuha hin medical certification ha pag-aaplay han drivers license.
Sumala kan Atty. Ledwino Macariola, Regional Director LTO-8, nga damo an nagsasarang nga himangrawon nga gintangal na daw han ira buhatan an pagrepresenta han mga drivers han ira mga medical certification pananglitan an mga ine in makuha hin lisensya.
Ine nga himangrawon in gintagan hin kasayuran han mao nga opisyal, nga an gintangal nga resiketos han ira buhatan in an gintatawag nga Periodic Medical Examination ngan dire an Medical Certificate nga usa ha mga gin-aaro han ira buhatan ha tanan nga mga nag-aaplay hiton lisenysa.
An Periodic Medical Examination in gin-aaro han buhatan han LTO, pananglitan nga an lisensya in valid for 10 years, kinahanglan nga magpailarom an drivers ha usa nga Periodic Medical Examination after 4 years ngan kahuman naman in after 2 years, agud nga pamanginano kun ine ba in physically able pa ha pag-drive han usa nga behikulo.
Usa ha mga rason kun kay anu gintangal an mao nga medical examination, ine in agud nga dire na makaghatag pa hin damo nga irintendihon ngan makaiban ha mga dokumento nga gin-aaro han ira buhatan ha mga drivers.
