ODD – Natagan hin diploma mahuman an sobra 80 anyos an usa nga 101 year old nga lolo nga ginkinahanglan nga umundang han high school ha West Virginia han 1930s.
Sumala ha Jefferson County Schools ha West Virginia, hi Merrill Pittman Cooper, 101 years old in nag-aram ha Storer College usa nga dati nga eskwelahan ha Harper’s Ferry, pero ginkinahanglan niya nga mag drop out ha iya senior year han 1938 tungod nga bumal-in hira han iya nanay ha Philadelphia tungod ha problema nga pinanasyal.
Ha usa nga pagbisita han 2018 ha anay Storer College Campus, nagpahayag hi Cooper hin panhihinayang bahin ha dire pakatapos hini ha high school, nga naging iwag naman para an iya mga paryente in nakipagsumpayan ha Jefferson County Schools.
An paningkamot han pamilya hini in nagtapos yana nga bulan ha paghahatag kan Cooper hin usa nga honorary diploma han Jefferson County Schools ha usa nga seremonya nga gin atenderan hini ngan han iya pamilya.
Samtang, sumala naman ha superintendent han Jefferson County Schools nga hi Bondy Shay Gibson-Learn, an Jefferson County Schools in nakatuon ha pagbulig ha kada estudyante, bata man o lagas, nga matuman an ira mga hingyap.
