TACLOBAN CITY – Agud nga magkaada hin mas madig-on nga partnership ha pagprotehir ha kalibungan, pumirma hin usa nga Memorandum of Agreement ito lokal nga pamunuan hiton Palompon, Leyte kaupod iton Oceana Philippines International.
Ini nga kasabutan in ginpirmahan han duha nga partido dida han ha nakalabay nga Nobyembre 8, ha Palompon Civic Center, Palompon, Leyte kadungan ha pagdumdom ha ika-10 nga anibersaryo han paglasurbo han supertyphoon Yolanda.
Sumala kan Palompon Leyte Mayor Ramon Oñate nga nakasurat ha Memorandum of Agreement nga magbibinuligay hira pinaagi hiton pagbalyuay hin mga impormasyon, makinarya, expertise ngan technical capabilities labi na ha mangrove restoration program.
Nagtutuo hi Oñate nga iton pagprotehir ha mangrove forests, pinaagi hin pag-estabalisar hin coastal greenbelt zones in dako kaupay nga bulig ha pagsolbar ha problema ha nagtitikaguti nga mga isda ha kadagatan ngan pagkaruba han mga coral reef nga hiton burunayan hiton mga isda.
Makakabulig daw gihapon ini nga kasarabutan ha paghatag hin seguridad ha pagkaon nga pakabuhi ha mga taga Palompon.
