TACLOBAN CITY – Ginpahayag han Local Government Unit han Villareal, Samar nga nagigin pakuri ha ira ha pagkayana an pagdumara hin contact tracing ilabi na nga padayon an paghinataas han kaso ha ira bungto.
Subay ha latest update han Department of health kagabi nadugngan na naman hin 21 nga mga bago nga confirmed cases an Villareal.
Sumala kan Dr. Jearome Taboy, Municipal Health Officer han Villareal Samar, nga dako nga ayat ha ira yana an pag contact tracing matungod nga diri pa ngan hira nagkakatunga in nadudugngan na naman hin durudamo an mga nagpopositibo.Sugadman padayon daw la gihapon an ira pagdumara hin mga pitad agud nga mapalaksi an ira pag contact trace ngan mapugngan an mas pagdamo pa han kaso ha ira lugar.
Nangaro naman ini hin kooperasyon ha mga residente labi na an mga indibidwal nga na expose o nakaghibalag ha mga nagpositibo nga diri mag alang ngan boluntaryo nala nga makipagsumpayan ha municipal health office agud mas mapadurudagmit an pagcontact trace.
