TACLOBAN CITY– Gintatalinguha hiton Leyte lll Electric Cooperative, nga mahuman nira an paghingayad ha mga nasasalin nga substation nga waray pa suplay hiton kuryente, mahuman an paglasurbo han bagyong Tino ngan nasundan pa ine ni bagyong Uwan.
Sumala kan Allan Laniba,National Association of General Managers of Electric Cooperative/ General Manager Leyte lll Electric Cooperative, huhumanon nira an paghingayad han mga linya ngan nagkaguguba nga mga poste, agud nga maibalik na suplay han kuryente ha mga konsumidor ugsa magpasko.
Dugang pa hine, para han mga konsumidor han Leyeco 3, posible nga buwas nga adlaw in maibalik na an suplay han kuryente ha tanan nga nasasakupan hine.
Ginpaangbit pa hine nga ha pagkayana, presente nga waray suplay hiton kuryente an DORELCO, nga sakop iton Abuyog, Mahaplag, magin an SOLECO ha may Sogod Southern Leyte.
Ginmalatumat ni Laniba, nga kahuman nira maghingayad ha linya hiton LEYECO 3, sunod nira nga aareglaron nga mabuligan ha paghingayad an DORELCO ngan SOLECO, ngan pananglitan naman nga mahuman an mga ine hin sayo, in magpapadara naman hira hin tinaglawas ha region 5, agud nga bumulig gihapon ha paghingayad han mga nagkaguguba nga linya hiton kuryente.
Ginbabana-bana naman nga purluminos milyones an ginbayaan nga danyos han duha nga magkasunod nga bagyo nga bumisita ha nasud.
via | Bombo Juvelyn Rancodo
