TACLOBAN CITY – Patay an usa nga lalaki mahuman nga mag suicide ha Brgy. Rafael Maasin City .
Ginkilala an biktima kan Assertin Marvin Etchuntelen, 18-anyos an pangidaron ngan residente han Brgy. San Jose Maasin City.
Sumala kan PLTCOL. Vicente Bullecer Acting Chief of Police han Maasin City Police Station kakulop nga adlaw in may-ada nakarawat nga tawag an mga kapulisan ngan dayun naman ine ginrespondihan.
Subay han mao nga opisyal, pag-abot han mga otoridad in nahikit-an an nakabitay nga biktima kun diin nagpabulig hira han pamilya hine nga tanggalon haiya ginkakabutangan.
Basar han inisyal nga imbestigasun, gin-isgan daw an mao nga biktima han iya lolo mahitungod nga nakainom ini kaupod an iya mga kapaturan.
Dugang pa hine, mahuman nga isgan in lumakat an biktima ngan waray na ine haira panimalay.
Mababaruan nga usa nga concerned citizen an tumawag ngan nagpahibaro han panhitabo ngan waray naman nakit-an nga marking o foul play han panhitabo.
