-- Advertisements --
TACLOBAN CITY – Usa nga lalaki an nagprobar pagpakamatay pinaagi hin pagpitik ha usa nga tulay ha Southern Leyte.
Ginkilala an biktima nga hi Gaga Ranis, 28 anyos an pangidaron, ngan residente han San Jose, Baybay City.
Mahibabaruan, nga hi Ranis in may problema ha huna huna o mentally ill person rason kun diin pumitik ini ha Agas-agas Bridge nga nahihimutang ha Kahupian, Sogod, Southern Leyte.
Nakag-angkon hin samad ha magkadirudilain nga parte han lawas an mao nga biktima ngan dayon naman ini nga gindara ha Sogod District Hospital.
Ha pagkayana, in padayon naman an ginbubuhat nga follow up investigation han mga kapulisan bahin han mao nga insidente.
