-- Advertisements --
TACLOBAN CITY – Arestado han an usa rank 5 most wanted person han Catarman mahuman nga madakop ha gindumara nga manhunt operation han mga kapulisan ha Barangay Gebalagnan, Catarman N, Samar.
Ginkilala an suspek kan Rey Legria Ong, 43 anyos an pangidaron, parag-uma, residente han Brgy Cervantes han mao nga bungto.
Sumala kan Pol. Maj. Eddie Esidera, hepe han Catarman Police Station, nadakop an mao nga suspek pinaagi han Alias Warrant of Arrest para ha kaso nga 3 counts hin rape nga waray may ginrekomenda nga piyansa.
Ha pagkayana in nagpapabilin ha Catarman Municipal Police Station an mao nga suspek ugsa ini nga ig turn over ha court of origin.
