-- Advertisements --
TACLOBAN CITY – Padayon la gihapon nga ginbibiling an lawas han usa nga lalaki mahuman ini nga malumos ha Bangon Falls, Brgy. Tinaplacan, Tinambacan District, Calbayog City.
Ginkilala an biktima nga hi Cijei Meniable, 27 anyos an pangidaron, residente han P-6, Brgy. Matobato, han mao nga siyudad.
Basar ha inisyal nga imbestigasyon nga samtang nangangarigo ha mao nga falls an biktima kaupod an iya mga kasangkayan, pumakadto ini ha ika tulo nga layer han falls ngan nag dive pero ini in waray na umutwal.
Ha pagkayana in nakigsumpayan na an Calbayog City Police Station ha Calbayog LGU ha pagdumara hin search ngan retrieval han lawas han biktima.
