TACLOBAN CITY – Duro iton kasubo ha pagkayana han ginbayaan nga pamilya han usa nga lalaki nga nagpakamatay ha mismo balay hini ha Brgy. Caltayan, La Paz Leyte.
Ginkilala an mao nga biktima nga hi Jay Cayubit, 24 anyos an pangidaron ngan residente han mao nga lugar.
Sumala kan Pol. Capt. Ernie Rocha, hepe han La Paz Municipal Police Station, waray na kinabuhi han mga makit-an han nanay hini an biktima mahuman ini nga magbigti gamit an nylon wire.
Gumawas ha imbestigasyon nga may problema ha panhunahuna an biktima ngan tulo na kabeses ini nga nagprobar nga magpakamatay pinaagi han pag-inom hin muriatic acid ngan alcohol.
Nahibaruan gihapon nga may history hin suicide incidents ha mao nga pamilya kun diin una nga nagpakamatay an lola ngan uncle han biktima.
Waray naman nakit-an nga foul play an mga kapulisan ha mao nga insidente.
