TACLOBAN CITY – Patay an usa ng lalaki nga napalit na unta hin sigarilyo mahuman nga pagpusilon-patay ha Purok 7 Pido Extension Brgy. East Awang, Calbayog City.
Ginkilala an biktima kan alyas Ronron, 27-anyos an pangidaron, ngan residente han Brgy. Obrero, Calbayog City.
Sumala ka kan PSSgt. Eduardo Cebu Jr., Duty Investigator hiton Calbayog City Police Station, napalit la unta hin sigarilyo an biktima ha usa nga tindahan han umabot an mga suspek ngan tigda nga ginpamusil an biktima.
Nag-angkon naman ine hin magkaduru-dilain nga pinusilan ha lawas kun diin sumala pa hiton nga testigos ine nakabati hira hin walo nga buto hin pusil.
Nakuha naman ha lugar han insidente an duha nga fire cartridges ngan duha nga metal slugs.
Nagdudumara na hin imbestigasyon an mga otoridad mahuman nga dayun kumaligaw an mga suspek kahuman han krimen.
