TACLOBAN CITY– Dayon nga nag bug-os hin aksyon an local nga pangobyernuhan hiton La Paz Leyte, mahuman magsarang an himangrawaon kasumpay ha gin-aalegar nga pagsulod hiton chicken pox ha ira lugar.
Sumala hiton La Paz Leyte, Municipal Mayor Angel Sia, nga an nasabi nga nagsarang nga report in usa la nga miscommunication, matungod nga na dayon nagpatuman hin suspensyon han klase an principal han usa nga eskwelahan ha La Paz, kun diin maabot mangud ha 8 nga mga estudyante an naduktan han chicken pox ngan an mga ine in puros mga Grade 12 students.
Ginklaro han mao nga alkalde, nga nagpanic an principal ngan dayon liwat ine nga nag-aro naman ine hin despensa ha natabo nga pagkabaraka kun diin nakagdurot liwat ine hin kabaraka ha publiko.
Ha pagakyana, kontrolado na han LGU an nasabi nga isyu, ngan ginpapag-isolate la anay adton mga estudyante nga nagkamayda hin chiken pox.
