Gin padig-on han Korte Suprema an pagkilala han Commission on Elections o COMELEC ha 2022 Constitution ngan By-Laws han Partido Federal ng Pilipinas.
Ha desisyon nga ginsurat ni Associate Justice Maria Filomena D. Singh, ginkasarabutan han Supreme Court En Banc nga dire ‘valid’ an pagkakatudlok kanda Leandro Vercedes Jr. ngan Antonio Rodriguez Jr. kumo nga opisyal han partido ha nahitabo nga pagharampang dida han Disyembre 2023.
An nasabi nga partudo in usa nga ‘political party’ nga nakarehistro ha COMELEC pero nagkamay-ada hin pagdebate ha butnga han duha nga ‘faction’ nga ginmamanguluhan nira Vercedes ngan Reynaldo Tamayo Jr.
Hira Tamayo, Thompson Lantion, ngan George Briones in an nanumpa kumo mga opisyal han partido dida han 2021 ha termino nga may kahilaba nga tulo katuig.
Dinhi in igin duon han faction nira Vercedes nga daw tapos na an termino han mga opisyal dida pa han 2023 base ha 2018 Constitution and By-laws han partido mahitungod ha two-year term.
