INTERNATIONAL NEWS– Ginbaribaran han korte han South Korea an hangyo hiton special prosecutor nga mag-isyu hin warrant of arrest kontra kan anay SoKor president Yoon Suk Yeol kasumpay ha iya pagprobar nga magdeklara hin martial law han nakalabay nga tuig.
Sumala ha abogado ni Yoon, an special prosecutor in nag-akusar ha anay presidente hin “obstruction” mahuman ine nga bumaribad nga bumaton ha interrogation, butang naman nga ginkwestyon ine han legal team ni Yoon an nasabi nga imbestigasyon, ngan gintawag nga “political motive.”
Sugadman, ginmalatumat han iya abogado nga mabaton hi Yoon ha mga masunod nga imbitasyon ngan magpapakita para ha interrogation.
Ginpaangbit gihapin han prosecutor nga magdudumara hira hin panibag-o nga warrant kun dire magpakita hi Yoon.
Mababaruan, naatubang hi Yoon ha kaso nga insurrecion ngan iba pa nga krimen, kasumpay ha pagdeklara hine hin martial law nga posible magresulta hin habambuhay nga pagka-preso o sirot nga kamatayon.
