ODD – Ginreport han Tennessee Wildlife Resources Agency an ira nadakpan nga urusahon nga “cat fish” o hito ha ira gindumara nga Scenic City Fishing Charters ha America.
Sumala ha mao nga agency, urusahon an mao nga hito tungod han kolor hini nga busag nga kalakip ha species nga kun tawagon in “blue catfish” o may scientific name nga “Ictalurus furcatus.”
Usa nga teenager la nga ginkilala ha ngaran nga Edward Tarumianz, an nakadakop ha mao nga isda ngan sumala kan Richard Simms, fishing trip captain, urusahon an mao nga higayon nga makadakop hin busag nga hito.
Sumala pa hini, posible an mao nga isda in mayda kakaiba nga kondisyon nga kun tawagon in “Leucism” kun diin kolor busag an bug-os nga lawas hini.
Labot pa hini, posible gihapon nga Albinism an kondisyon han mao nga isda.
Mahuman nga makuhaan hin litrato, dayon naman nga ginbalik ni Edward an mao nga hito ha dagat.
