INTERNATIONAL – Ginpahayag han foreign ministry han China dida han nakalabay nga adlaw nga an kooperasyon ha depensa ngan seguridad in dire dapat ig direkta kontra ha mga third parties, lugod in igpukod ha pagpapabilin han kahimyangan ngan kadig-on han rehiyon.
Ginmalatumat naman han Japan ngan Australia nga mayda hira “serious concerns” kasumpay ha mga aktibidad han China ha West Philippine Sea kun diin ginpuna gihapon han mga ine an Beijing ha mga gintatawag hine nga “dangerous and coercive” nga mga aktibidades han nasabi nga nasud nga gin aagawan nga parte han kadagatan.
Nagpahayag naman an US nga ‘very, very concern’ an mga ine ha mga aksyon han China ha West Philippine Sea.
Nagbalyuay naman hin mga akusasyon an China ngan Pilipinas kasumpay ha gintuyo nga pagbunggo ha mga sarakyan pandagat han Pilipinas ha may Sabina Shoal dida han nakalabay nga semana.
