-- Advertisements --
TACLOBAN CITY- Patay an usa na kawatan mahuman nga nakuryente ha guintistingan nga sak-on na apartment ha Purok 1, Barangay Carmen, Calbayog City ha Samar.
Sumala kan SPO1 Charles Suplada han Calbayog PNP, na guinkilala an suspek kan Andy Rivera y Mahinay “alyas Diego”, 20 anyos an pangidaron, may kalive-in partner ngan residente han Purok 4, Barangay Hamurawon ha mao na syudad.
Guinhulagway pa han mao na pulis na samtang nasaklang an suspek ha apartment, in lumikay ini ha CCTV camera ngan nakaptan an live wire nga nagresulta han dagmit na kamatayon hini.
Samtang, nakuha naman ha suspek an usa na cellphone na guintutuuhan na kinawat hini.
