-- Advertisements --
TACLOBAN CITY – Passable na ha pagkayana karsada ha Brgy. San Vicente – San Juan Sogod, Southern Leyte mahuman an nahitabo nga landslide ha mao nga lugar.
Sumala kan Pol. Maj. Al Jhon Teddy Llanes , Chief of Police han Sogod MPS, tungod han waray wantas nga pag inuran tikang han naglabay nga semana in nagkaada hin landslide ha mao nga karsada nga nagdurot han temporaryo nga pagpasara hini.
Waray naman nasamaran o naawatan ha mao nga insidente ngan dayon nga nagdumara hin clearing operation ha mao nga karsada.
Ha pagkayana in passable na ini ha tanan nga mga behikulo o motorista.
Padayon naman an monitoring han mga otoridad ha mao nga bungto labi na ha mga low lying areas yana nga padayon pa an naeeksperyensyahan nga pag inuran.
