TACLOBAN CITY – Plano han bungto han Pastrana, Leyte nga utro nga pasiradhan an karsada ha usa hini nga barangay nga nagkokonektar pakadto ha mga katharani nga bungto.
Ini in kaparte han mas pinahugot nga pitad han local government han Pastrana ala kontra han pagsarang han COVID-19.
Sumala kan Pastrana Mayor Maritess Marcos, iginrekomenda na niya ha kapitan han Brgy. Maricum, Pastrana nga temporaryo utro nga siradhan an karsada nga gin-aagian han mga katawhan pakadto ha Tanauan, Palo ngan Dagami, Leyte.
Ini in para malimitahan an sakob-gawas han mga tawo ngan sugadman agud nga matagan hin iwag an nagpapadayon nga contact tracing ha Palo ngan Tanauan.
Ginklaro naman hini nga ira tatagan hin konsiderasyon nga makasulod o makaagi ha mao nga karsada an mga tawo nga importante an panuyuan sugad nala han mga nagpapakabuhi.
