TACLOBAN CITY – Patay an usa nga kandidato pagka-Brgy. Kapitan ngan an tatay hini mahuman an nanabo nga panmumusil ha Brgy. Cabacungan, Oquendo District, Calbayog City.
Sumala kan PSupt. Junar Alamo, hepe han Calbayog PNP, nga ginkilala an mga biktima nga hira Christopher Branzuela, kandidato kumo Brgy. Kapitan yana nga tiarabot nga eleksyon, ngan tatay hini nga hi Melanio Branzuela ngan usa pa hini nga kaupod nga hi Juanito Arneo.
Sumala ha inisyal nga imbestigasyon han mga kapulisan, tikang ha Rizal tikadto ha mao nga baranggay an mga biktima han tigda nala hira nga panmumusilon han tulo nga diri pa nakikilal-an nga suspek nga nakasul-ot hin bonet sakay hin usa nga single nga motor.
Nakatalwas naman hi Juanito pero patay an magtatay mahuman an mao nga insidente.
Ha pagkayana in padayon pa an ginbubuhat nga imbestigasyon ngan hot pursuit operation han mga otoridad para matudlok an nagpapaluyo ha mao nga krimen.
Samtang, ha pagkayana in diri pa matudlok an motibo han mao nga insidente pero gintutuuhan nga mayda daw nakaaway han biktima nga kandidato pagka brgy. chairman.
Mahibabaruan nga diri kaupod an ma nga baranggay ha hot spot areas yana nga eleksyon ha Calbayog City.
