![](https://img.bomboradyo.com/tacloban/2019/06/UEP-Graduation.jpg)
TACLOBAN CITY – Nangaro hin pasaylo an tagmangulo han University of the Eastern Philippines (UEP) ha mga kag-anak han mga estudyante nga naireport nga nalinop durante han gindumara nga ika-58 nga Commencement Exercises dida han nakalabay nga Sabado
Ini in mahuman mag uran hin pagsukna tikang ha pira nga mga estudyante ngan mga kag-anak mahuman nga magcollapse an pira nga estudyante han mao nga unibersidad tungod han sobra nga kapaso.
Subay han pakighimangraw han Bombo Radyo Tacloban kan Rolando Delorino, University President, nga sisiguruhon nira nga diri na mananabo an sugad hini nga klase nga sitwasyon.
Ginpahayag pa hini kakulangan hin mga venue nga mayda tahub nga ma-cater ha damo nga mga estudyante an naging dako nga problema kun kay ano nga nagin outdoor an ira gindumara nga gradwasyon.
Asya ha sunod nga mga gradwasyon in pagdudumaraon nala nira ini ha indoor ngan tutungaon an adlaw han ira commencement exercise depende ha kadamo han mga ma-gradwar.
Ginklaro naman hini nga 11 la nga mga estudyante an natagan hin medical nga atensyon tarihas an 23 nga una nga naireport.
![](https://img.bomboradyo.com/tacloban/2019/06/UEP-Students.jpg)
Subay ha report university physician nga hi Dr Elizabeth Dubongco, ha 11 nga mga naidara ha university clinic in 3 dinhi an nakaabat hin dizziness o pagkalinop, 2 dehydration; 3 in Loss bowel movement; 1 in kakuri hin paghinga.
Ginklaro liwat hini nga waray nahitabo nga aktuwal nga pagkadismasyo durante han mao nga aktibidad.
“No incidence of actual fainting happened within the duration of commencement exercise. This is the truth; nothing but the truth”, sumala han UEP University president nga hi Rolando Delorino
Mababaruan nga alas pala han aga han magtikang an commencement exercise ha UEP ngan naghuman ini banda ala 1 han kulop nga kun diin naabot naman ha 34 degree celsius nga mayda heat index nga 40 degree celsius an nagin temperatura ha Catarman durante han natabo nga graduation.