NATIONAL – Kumpyansa hi Speaker Ferdinand Martin Romualdez nga mapapahinay pa han administrasyon Marcos, kaupod an Kamara de Representantes, an paghitaas han presyo han mga papliton o inflation rate.
Ine an reaksyon han tagapagkayan han Kamara kasumpay han report han Philippine Statistics Authority nga huminay ha 3.7% an inflation rate dida han Hunyo tikang ha 3.9% dida han Mayo.
An paghinay han inflation rate in durot han habubo nga gastos ha enerhiya ngan transportasyon.
Gin dayaw gihapon ni Speaker Romualdez an administrasyon ni Presidente Marcos Jr. ha maupay hine nga pagmamangulo ha ekonomiya han Pilipinas.
Dugang pa hine, nahipatik an paghinay ha kaluyo han padayon nga ayat, kaupod an pagka-suspendi han supply chain ngan kawaray hin dig-on ha pananalapi han mga nasud nga mayda dako nga ekonomiya.
