TACLOBAN CITY – Usa nga kalansay an natad-an han mga otoridad nga ginbabana-bana nga nagpakamatay ha kabukiran han Liloan Southern, Leyte.
Sumala kan PLt. Mark David Del Monte, OIC Chief of Police han Liloan Municipal Police Station, ginbabana-bana nga ada na ha tulo kasemana ngada ha usa kabulan an kaiha han patay nga nahiit-an mahitungod nga haros kalansay na ine.
Ginkilala naman an biktima kan Jerome Borris Borja, 35 anyos an pangidaron, tricycle driver ngan residente han Brgy. Taft Surigao City kun diin ginkilala ine mismo han iya mga kabugtuan ngan kag-anak basar han mga gamit nga nahikit-an.
Subay han inisyal nga imbestigasyon han mga kapulisan, usa la nga dayo an biktima ha lugar han panhitabo han insidente. Nahibaruan gihapon ha pamilya han biktima nga mayda ada ine “mental problem” mahitungod han kahulog daw hine han bata pa ine kun diin kun naiisgan o nayayaknan ngan ine han iya pamilya in nalakat ine ha ira panimalay nga nauli nala kahuman an haros usa kabulan o sobra pa
An paglayas han biktima in amu an ikaupat na daw hine nga pagbuhat.
Sumala naman han pamilya han biktima, dida pa daw ine lumakat ha ira balay han Setyemre 13 ngan waray na hiuli utro.
Nahikit-an naman an patay nga lawas hine han tag-iya han tuna kun diin dayun liwat ine nga nagpasabot ha mga otoridad.
