TACLOBAN CITY – Nagpapadayon nga abri an Kadiwa han Pangulo Seafood Village hiton Bureau of Fisheries and Aquatic Resources han Brgy. 77, Marasbaras, Tacloban City
Sumala kan Christine Gresola, Information Officer hiton Bureau of Fisheries and Aquatic Resources Regional Office VIII, mapapalit ha nasabi nga seafood village, an magkaduru-dilain nga klase hin isda, ngan iba pa nga produkto hiton dagat sugadman mga kakanin.
Libre gihapon an delivery para han mga mapalit hin minimum nga 10 kilograms, han mga abilable nga produkto.
Mapapalit naman an mga presko nga isda sugad han tilapia, solisogue, grouper, tahong meat, iba pa nga klase hin isda, ngan assorted nga isda.
Mayda gihapon iba nga produkto sugad hiton bangus lumpia, seaweed pickle, magkaduru-dilain nga klase hin isda nga bulad, deboned bangus, ngan damo pa.
Abilable gihapon an mga kakanin sugad han pichi-pichi, kutsinta, chocolate moron, sarungsong, bilo-bilo, ngan iba pa.
