ENTERTAINMENT – Nagsasarang yana ha social media an ngaran han aktres nga hi Janella Salvador nga gintutu-ohan “third party” ha pagbulag nira Klea Pineda ngan Katrice Kierulf.
Ini in mahuman nga ig-like ni Kierulf an pira nga komento ha TikTok nga nagtutudlok ha aktres kumo rason han breakup.
Pero bisan aminado hi Pineda ha usa nga interbyu kan Boy Abunda nga tapos na an ira tulo ka-tuig nga relasyon ni Kierulf, ginklaro niya nga waray nagin third party o iba nga dabi.
Waray naman makaantos an iba nga netizens ngan nag-imbestigar, kun diin nakit-an nira nga naglike hi Kierulf ha mga komento nga nag-aakusar kan Janella kumo “other party.”
Gintanggal na an mga nasabi nga komento ha TikTok page ni Kierulf, pero na-screenshot ngan utro ginpost ini han iba nga fans niya.
Kun manunumduman nga nagkaupod hira Pineda ngan Salvador ha pelikula nga may titulo nga “Open Endings,” usa nga LGBTQ+ themed film, nga ginbibidahan gihapon nira Jasmine Curtis-Smith ngan Leanne Mamonong.
Samtang kutob yana, waray pa opisyal nga pahayag tikang kan Kierulf, Pineda o kan Salvador kabahin ha nasabi nga isyu.
