-- Advertisements --
Dire nababantad hi Israeli Prime Minister Benjamin Netanyahu ha hulga han pira nga nasud mahuman an ginbuhat nga pag-atake hine ha Qatar.
Ginpahimatngunan hine an Qatar nga magpapadayon hira ha pag-atake kun dire nira palayason an mga Hamas.
Dugang pa hine, dire la Qatar kundi magin an ngatanan han mga nasud nga nagtatago hin mga terorista nga kinahanglan palayason an mga ine.
Kun dire ine mahimo han mga nasud in hiya mismo an maghihimo hin pitad.
Manunumduman nga nagdumara hin airstrike an Israel ha Qatar kumo bulos ha pamusil ha Jerusalem nga igin kamatay han unom katawo.
