TACLOBAN CITY – Aminado an Department of Information and Communmications Technology o kun DICT Regional Office 8 nga maluya ngan mahinay pa itun internet connectivity ha Sinirangan Bisayas kumpara ha iba nga mga rehiyon han nasud.
Sumala kan DICT Regional Director Felix Tabanao Jr. nga ira daw ini naoobseran ha ira mga ginbubuhat nga mga meetings ngan pakikipag uruisturya ha mga magkadurudilain naman nga mga ahensya han gobyerno.
Ha bug-os naman nga Sinirangan Bisayas in nagkakaada hira hin problema ha internet connectivity ha Samar Islands.
Iginpasabot gihapon ni Tabanao nga mayda ambitious program an mao nga ahensya nga nakikita nira nga magpapaupay han koneksyon han Sinirangan Bisayas sugad han National Broadband Program nga magdudurugtong han mga linya han internet ha bug-os nga nasud.
Pagklaro pa ni Tabanao nga nakadepende manggud ha mga telecommunications company an pagkakaada hin mga signals mahitungod nga hira an nagtitindog han mga cell sites.
Kun mababaruan, in mayda na 5 nga internet providers nga aanhi naman ha Tacloban sugad han Smart, Globe, PLDT, Converge, ngan DITO.
