NATIONAL – Gin aprubahan ni Presidente Ferdinand Marcos Jr. an mas hitaas nga inadlaw nga subsistence allowance para ha mga tawuhan han Armed Forces of the Philippines (AFP) ha P350 tikang ha P150.
Ine in ha bisa han ginpirmahan nga Executive Order (EO) 84 han Presidente dida han Biyernes, nga ginsapubluko naman kakulopd nga adlaw.
Ighahatag retroactively an sobra ha doble nga paghitaas han allowance nga P200 tikang han Enero 1, 2025.
Nakasurat ha EO nga importante an paghitaas han subsistence allowance han ngatan han mga opisyal ngan enlisted personnel han AFP para ha pagprotekta nga pagduduso han ira seguridad kumo pagkilala ha ira mga sakripisyo ngan dedikasyon ha pagdepensa ngan pagdig-on ha soberanya ngan territorial integrity han nasud.
Gin pahayag gihapon han nasabi nga EO nga an presente nga allownace in dire na supresyente para ha mabaton an kada-adlaw nga panginahanglan han mga sundalo nga ada ha serbisyo nga importante para ha ira seguridad ngan paglingkod han ira mga trabahuon.
