TACLOBAN CITY – Gin malatumat ni Grains Retailers Confederation (GReCon) Eastern Visayas President, Frederic Dy nga mas maupay kun dire nala igpapatuman an importatation ban han bugas ha nasud.
Dugang pa hini, an importante man hini in mayda ginkakaon an mga kunsumidor ngan dire magkukulang an suplay han bugas.
Sumala pa kan Dy, kun dire na suprisyente an suplay han bugas ha nasud ngan igba-ban pa ini, waray na kakaunon an katawhan.
Labot pa hini, dako gihapon an posibilidad nga magin rason an kakulangan han suplay ha paghitaas han presyo han bugas.
Mas maupay kun mas damo an suplay han bugas mahitungod nga mas damo gihapon an kakaunon han mga kunsumidor.
Dire naman daw ini makakaapekto ha pamresyuhan han lokal nga bugas mahitungod nga mag-iba an presyo han kada tagsa, labot pa hini, mapili gihapon an kunsumidor han baru-barato nga presyo han bugas, sanglit haros waray la gihapon ini ginkaibhan.
