TACLOBAN CITY – May kalabutan ha illegal nga droga an usa ha ginhihingita nga anggulo han mga kapulisan ha ira nagpapadayon nga imbestigasyon bahin han panmumusil-patay ha usa nga retired police ngan anak hini ha Brgy. Sta. Cruz, Palo, Leyte han nakalabay nga bulan.
Sumala kan Pol. Maj. Joselito Villas, han Provincial Investigation Detective and Management Unit han Leyte Police Provincial Office (LPPO), subay ha ira imbestigasyon an mao nga mga biktima in una na nga naaresto tungod ha ilegal nga droga.
Pero nahibaruan nga nakaavail an mga ini ha plea bargaining ngan nagpapailarom ha rehabilitation.
Ha pagkayana in padayon pa an imbestigasyon han mga kapulisan bahin han impormasyon nga ira nakakarawat nga daw bumalik ha pagbabaligya hin ilegal nga droga an duha nga biktima.
