NATIONAL – Padayon nga nadudugangan an ihaap han mga Overseas Filipino Workers nga nagpahayag hin pagkaruyag nga ma-repatriate ngan makablik ha Pilipinas mahitungod ha waray undang nga aksamok ha butnga han Israel ngan Iran
Sumala kan Department of Migrant Workers Secretary Hans Leo Cacdac, maabot na yana nga sobra 109 nga OFWs an nagpahayag hin pagkaruag nga umuli ha Pilipinas.
Dugang pa han sekretarya, waray undang an pagdudumara hin ground assistance han gobyerno han Pilipinas ha mga apektado nga Pilipino kaupod na an paghahatag hin bulig ha usa nga Pinay nga nasamaram ngan yana in nagpapaupay ha usa nga hospital ha Israel.
Nagpaabot naman na gihapon hin bulig an ahensya ha 14 nga Pilipino nga apektado han kasamok samtang an pira in nag-uukoy ha temporary accommodations han ahensya.
Malipayon naman nga ginbalita nga sekretarya nga waray na bag-o nga nahipatik nga nasamaran nga Pilipino ha kaluyo han paluyo-luyo nga pag-atake.
Aminado hi Cacdac nga kumplikado an repatriation mahitungod na gihapon ha sarado nga mga airspace ngan airport restrictions durot han kasamok ha butnga han duha nga nasud.
