TACLOBAN CITY – Guinlalauman nga masaka pa an ihap han mga municipalidad ha Sinirangan Bisayas nga guindeklara nga drug cleared han Philippine Drug Enforcement Agency ( PDEA).
Ini an guinkumpirma ni Regional Director Edgar T. Jubay han PDEA 8 pinaagi ha pakipaghimangraw han Bombo Radyo Tackoban.
Dugang pa ni Director Jubay nga maabot na ha 18 nga mga municipalidad an guindeklara nga drug cleared ha probinsya han Leyte kalakip na an mga syudad han Ormoc, Baybay ngan Tacloban.
Guinmalatumat guihapon hini nga nakalatalaan naman nga igdeklara nga drug cleared an mga municipalidad han Biliran ngan Naval ha probinsya han Biliran yana mismo nga adlaw.
Nakatalaan naman nga igdeklara nga drug cleared an probinsya han Biliran ha tiarabot nga Mayo 11 kadungan ha pagtigaman han Biliran Provincehood.
Mababaruan nga guikokomposar hin 4390 nga mga barangay an bug-os nga Sinirangan Bisayas kun diin 1476 ha mga ini an may drug free status nga kinahanglan naman nga igmintinar han mga opisyal ha barangay.
