NATIONAL NEWS– Ginkumpirma ni International Criminal Court (ICC) prosecutor Karim Khan nga nagpapadayon an imbestigasyon kasumpay ha drug war han nakalabay nga administrasyon, ha kaluyo han nakatalaan nga confirmation hearing ha kaso ni anay Pang. Rodrigo Duterte.
Sumala kan Khan, an mga ebidensiya nga magawas in ha pagdudumaraon nga imbestigasyon in utro nga rerepasuhon hiton prosecution ngan igrerepresenta ha ICC ha mga masunod nga adlaw.
Manunumduman, Abril 4 , ginsumiter ni Khan an 10-page document ha Pre-Trial Chamber I han ICC kun diin nakasulod dinhi an pira nga mga impormasyon kasumpay ha nagpapadayon nga imbestigasyon.
Una na nga ginpagawas an impormasyon nga labot ha anay pangulo pira gihapon nga mga suspek ha madugo nga drug war an subject ha nagpapadayon nga imbestigasyon.
Mababaruan, an arrest warrant nga ginpagawas ha Pre-Trial Chamber I in sumentro la ha crimes against humanity nga murder kun diin 24 cases an nai-dokumento ha ilarom han drug war han nakalabay nga administrasyon.
