NATIONAL – Gin amin han International Criminal Court (ICC) nga dire hine ginkokonsidera nga akusado hi anay Presidente Rodrigo Duterte mahitungod ha paagi han han due process, ine in suspek pala.
Ginmalatumat ni ICC spokesman Fadi El Abdallah ha exclusive interview han Bombo Radyo Philippines nga importante nga ma-establisar anay an role hanusa nga tawo ha mga criminal information ugsa tudlukon kun ine in akusado ha mga gin salawad nga reklamo.
Usa la an warrant of arrest ngan waray pa kadungan nga igsasalang ha pagdungog kasumpay ha parehas nga istoryahon, kundi hi Duterte pala.
Manunumduman nga nagin matunog nga aarestuhon na gihapon an iba pa nga dabi ha war on drugs, sugad kanda Sen. Ronald dela Rosa ngan retired PNP Chief Oscar Albayalde.
Pero waray pa dokumento nga nagpapahayag nga aarestuhon na gihapon an mga ine o iba pa nga indibidwal.
Ha pagkonsidera nga suspek, may tyansa nga humanyo an anay presidente hin mga available nga options, kaupod na an paghangyp hin temporary liberty, hospital facilities, ngan konsiderasyon.
Sugadman, kinahanglan hine nga sumunod ha igintalaan han balaod ha ilarom han ICC.
