TACLOBAN CITY– Sobra 1 ka-milyon an apektado han kawaray suplay han kuryente didto ha Florida USA, matungod han paglasurbo ni Hurricane Milton.
Sumala kan, Dodie Rabanso, Bombo International News Correspondent Kissimmee Florida, nag-landfall hi Hurricane Milton ha Florida kumo usa nga Category 3 nga bagyo, nga may dara nga pinakamakusog nga hangin nga 120 mph (205 kph) kanina alas 8:30 hiton aga oras dinhi ha Pilipinas.
Dugang pa ni Rabanso, matungod han makusog nga uuran, nagdurot na ine hin mga pagbaha, ngan pag-apaw han tubig-baha, ginlalauman mangud nga maigo ine nga bagyo ha Tampa, St. Petersburg, Sarasota ngan Fort Myers Florida.
Ginpaangbit pa hine nga an kadam-an han mga taga Florida in binmakwit pakadto ha Georgia, matungod ine an pinakaharani nga states, samtang an iba naman ha mga eskwelahan ngan community centers nag evacuate.
An hurricane Milton, an ika-tulo nga bagyo nga umigo ha Florida yana nga tuig, kun diin una nga umigo an hurricane Francine, ngan ginsundan ine han hurricane Helene.
Mababaruan an nasabi nga pagkasunod-sunod han hurricane in natatabo kinada 150 years ha kasaysayan, kun diin urhi nga natabo an sugad nga panhitabo hadton 1871.
Manunumduman naman, urhi nga naigo hin hurricane an Florida hadton 2005, ngan subay ha eksperto ine in an hurricane Phil Klotzbach, kun diin natabo gihapon ine hadton 2004, 1964, 1886 ngan 1871.
