TACLOBAN CITY – Ginlunsar iton bag-o nga opisina ha syudad, an Human Settlement Adjudication Commission (HSAC), ine in usa nga korte nga nagkakapot han mga kaso kaparte han mga kabablayan.
Sumala kan Emmelord Blanco, Housing and Homesite Regulation Officer III hiton Regional Adjudication Branch VIII, an ira buhatan usa nga quasi-judicial body kun diin nakarawat hira han kaso kaparte han mga problema ha subdivision, condominiums, memorial parks ngan iba pa nga real-estate related cases.
Ira naman gin reresolba ngan gindedesisyunan hiton mga kaso kaupod an ira Chief Regional Adjudicator.
An buhatan gihapon hiton HSAC, an nagkakapot han mga kaso kasumpay han mga homeowner disputes ngan iba pa.
Hapagkayana in padayun naman iton pangarawat han ira buhatan han mga problema nga ginrereklamo haira kaparte han magkaduru-dilain nga problema ha balay.
