NATIONAL – Iginduon ni Senador Sherwin Gatchalian nga kinahanglan hin holistic approach agud epektibo nga matuman an direktiba ni Presidente Ferdinand Marcos Jr. nga igbawal an ngatanan nga operasyon han Philippine Offshore Gaming Operators (POGO) ha nasud paghuhuman han tuig.
Gintagan-duon ni Gatchalian nga dire la dapat nakatutok an pansin ha mga POGO nga lisensyado han Philippine Amusement and Games Corp. (PAGCOR) mahitungod nga damo pa daw an mga POGO nga ilegal nga nag-ooperate, sugad han pahayag han Presidential Anti-Organized Crime Commission (PAOCC) nga sobra pa han 200 an ihap.
Dugang pa hine, ginmalatumat gihapon han magbabalaod nga kinahanglan makigsumpayan an Bureau of Internal Revenue (BIR) ha PAGCOR para hibaruan an kantidad han gross gaming revenue han kada Internet Gaming Licensee (IGL), an ba-o nga termino nga iginbalyo ha POGO.
